v 0.9

 

Gediechte

v'r vinge get good of v'r vinge-n 't sjlech

es iech geluok huob, haet d'n andere pech

 

't ies te koud of 't ies te werm

v'r veulen oes riek of v'r veule-n oes erm

 

sóms ies get hel of soms ies 't zach

dan liès te 'n traon en dan 'ne lach

 

me vingk get te kort of me vingk 't te lank

me veult ziech te diek of me veult ziech te sjlank

 

dan ies get rech en dan ies 't krómp

dan ies get sjpiets en dan wir te sjtómp

 

noe ies get te druèg en dan wir te naat

noe kómme v'r te vreug en dan wir te laat

 

e kind ies braaf of e kind ies te sjtout

me veult ziech nog jónk en zoa ies me oud

 

me haet e kesjtièl of me haet 'n rewien

zoa haet me nog jeuk en zoa ies 't pien

 

iech ving emes sjoe en hae vingk 'm sjoan

d'n eine krieg sjtraof en d'n andere zien loan

 

iech bin toevallig wiet en hae ies zjwart

dan sjpriek 't versjtand en dan 't hart

 

get ies 'nen hoddel of 't ies get sjieks

v'r vinge ummer waal get ......noats ins nieks

 

Jacques Drissen, oktober 2004

v'r dinke allein mer aan welvaart en duite

meh...

zoalang es beugel lieve fluite

zoalang es buim blieve greuje

zoalang es blome blieve bleuje

zoalang es luuj kinne lache en zinge

get leefde wille geve en maoge vinge

en .... avventoe 'n bietteke bae

zoalang ies hoop op waereldvrae

 

Jacques Drissen

8 mièrt 2016